Monday, May 01, 2017

ഓര്‍മ്മയില്‍ നിന്നും മറവി കൊണ്ടുപോകുന്നത്

കാലുകള്‍ നിന്നുപോയ ഘടികാരത്തില്‍
സമയം നിശ്ചലമായി ഉറങ്ങുന്നുണ്ടാവണം
മറവിയില്‍ മുങ്ങിച്ചാകാന്‍ ദിനങ്ങള്‍ മത്സരിക്കുന്നു
തൂവല്‍ പോലെ ദിവസങ്ങള്‍ പറന്നുപോകുന്നു
ഓര്‍മ്മകളുടെ ഭാരമില്ലാതെ..

ഒരു വിഡ്ഢിയോ ഭ്രാന്തനോ ആകുന്നത് എത്രയോ സുഖകരമാണ്‌
ഇതേ കഠിനപാതകളിലൂടെ അവന്‍ അനായാസം ഒഴുകിപ്പോകുന്നു,
നദിയിലെ ഒരിക്കലും പായല്‍ പിടിക്കാത്ത ഒരു കല്ലിനെപ്പോലെ,
സ്വയം ഒരു ഭാരമാകാതെ..

- വിനോജ് അഞ്ചല്‍


No comments: